奧羅拉靠高原玩謝華斯高

猪拉多纳

05/10/2011
文： 笛子波童

南美球會盃周四早上舉行兩場十六強首回合賽事，先講巴西華斯高作客鬥玻利維亞奧羅拉，玻利維亞球會主場惡氣十足，需要兼顧聯賽爭標嘅華斯高作客讓波制唔過，捧「讓球主勝」（周四早上８時50分開賽）。另一場智利天主教大學同阿根廷沙士菲彼此熟晒路，可敲入球細。（周四早上６時15分開賽）




大家可能對奧羅拉比較陌生，不過一聽佢哋來自玻利維亞已經知惡啃。玻利維亞球隊向來擁有高原地利優勢，今場比賽場地位於海拔超過二千米嘅科恰班巴省，對手如果唔適應當地氣候，莫講話要比賽，就連普通行路、呼吸都恐怕有一定困難，更何況奧羅拉目前於國內聯賽排第一，主場聯賽保持三戰全勝兼冇失波，表現非常穩定，想擊敗佢哋談何容易。




華斯高今季盃賽作客成績不理想，南球盃及巴西盃四場作客只贏過一場，而且佢哋目前於國內聯賽榜帶頭，爭標有優勢，盃賽場合會否去盡真係好難講。始終今場只係首回合，就算和波仲有次回合可以追，從菠菜角度客軍讓波的確唔抵玩。


沙士菲穩守吼細


另一場天主教大學主場對沙士菲，兩軍今年較早時間曾在南美自由盃碰頭，天主教大學兩次對賽取得一勝一和，沙士菲喺夏天放走前線主力坦基施華及列卡度艾華利斯，攻力大不如前，相信作客會先求穩守，捧入球細啱數。