葡萄牙留力3.5球獻細

猪拉多纳

07/10/2011
文： 法比加輝

歐國盃H組葡萄牙主場對冰島，葡軍近四戰全勝，近兩仗共轟入九球，表面睇攻力強勁，但投X者要留意，佢哋兩場對手都係弱旅，所以多入球亦不足為奇。冰島在今屆外圍賽甚少大敗，加輝認為葡軍難再大炒，入球中位數調高至3.5球，捧細。（有線61及201台周六凌晨4時直播）

冰島鮮有大敗

葡萄牙近況大勇，除近四場國際賽贏晒外，近兩場更上演入球騷，分別五比○炒盧森堡及四比○炒塞浦路斯，但兩場對手實力都較弱，大勝非常合理。個人認為葡軍要繼續炒有一定難度，首先冰島在今屆外圍賽甚少大炒，最大敗仗都只係輸一比三，絕非魚腩級數。


第二係葡萄牙都有後顧，緊接周中就要作客硬撼丹麥，預計葡萄牙唔會用殘班兵，所以大有可能贏波就收工，寧願留力戰丹麥。再加上最有把握力嘅葡軍前鋒曉高艾美達冇入選大軍，反而由老將紐奴高美斯孭飛，加輝建議捧3.5球細。