「大佬」李東國回歸 南韓贏「波」贈興

猪拉多纳

07/10/2011
文： 走肖

有信念，就唔怕畀人睇唔起，南韓今晚熱身賽喺主場對波蘭，「獅子王」李東國事隔15個月首次入選國家隊，佢喺亞冠盃發威食出「大四喜」，搞到領隊趙廣來要放下成見重召佢，呢場波就當畀個面李東國，一於捧1.65倍主W。


（開賽時間：周五晚7:00）


南韓喺南非世盃16強不敵烏拉圭，好多人將出局責任，推喺後備入替嘅李東國身上，話佢浪費機會夾唔到啲後輩，結果趙廣來上任後，完全冇畀機會佢入選，不過「獅子王」冇放棄過，最近對大阪櫻花連入4球，帶出成為亞冠盃神射手，咁有霸氣，趙廣來唔想選佢都唔得。

波蘭門將施捷斯尼受傷

雖然南韓有翼鋒李青龍同中場金正友養傷，但其餘外流球員包括隊長朴主永、前鋒孫弘民、中場具滋哲、寄誠庸、中堅李正秀同右閘車斗里全部歸隊，即使波蘭有包括多蒙特射手羅拔利雲度夫斯基在內多個德甲球員壓陣，都未必打得過南韓，畢竟波蘭有阿仙奴門將施捷斯尼因傷缺陣，作客出事唔奇喎！