紅鑽鬥心勝飛腳

猪拉多纳

09/10/2011


四強戰尾場由浦和紅鑽主場對大阪飛腳，兩軍曾屬死對頭，飛腳現時仍屬日職頂級球隊，紅鑽卻已淪為下游分子。不過盃賽一場過變數多，紅鑽決心爭取反彈，加上飛腳唔齊腳，紅鑽受讓博「讓球主勝」。（周日下午4時開賽）




紅鑽今季繼續雷聲大、雨點小，作為日職其中一支名牌球隊，大軍於聯賽位列下游，面對沉重護級壓力，成績實在難以令粉絲收貨。紅鑽既要護級，同時希望爭盃轉移球迷視線，踢日聯盃特別落力，上圈踢走大阪櫻花表現對辦，今場雖有進攻主力原口元氣入選國家隊缺陣，但一眾球員矢志一吐烏氣，對住飛腳必定分外落力。


飛腳留力聯賽爭冠


飛腳目前位處日職榜首，但領先優勢唔算明顯，幕後人目標非常明確，爭取聯賽冠軍屬首要任務，日聯盃只屬雞肋。飛腳教練同球員知道會方取向，於盃賽場合未必會去得太盡，要提防球隊hea踢。況且飛腳兩大主將遠藤保仁及李根鎬分別代表日、韓出戰，人腳唔齊，戰意一般，作客出戰仲要讓波，實在唔多吸引。