澳職頭盤捧黃金海岸聯

猪拉多纳

09/10/2011
文： Kit

今季澳職真係有睇頭呀，艾馬頓同基維爾兩大型男都一齊回歸，刺激度一定有增無減！雖然少咗隊北昆士蘭風暴，但10隊波更加好買易玩，再加埋下午茶開波時間夾晒香港！今午澳職繼續有得玩，早場有黃金海岸聯主場迎戰威靈頓鳳凰，一聽到鳳凰仔作客，唔使諗都知道要捧1.67倍主W啦！（開賽時間：周日下午2:00）




鳳凰仔係「作客蟲」嘅表表者，佢哋喺新西蘭主場就係威係勢，但一坐飛機去到澳洲就做咗軟腳蟹！佢哋今季放貨多，但入貨少，新簽入5名球員當中，名氣最大都只係嚟自阿德萊德聯嘅彭迪利斯，上季踢得唔錯嘅馬高洛查士、門將胡高域，連同希亞菲特都跳晒去其他澳職球隊。暫時呢班波組軍似乎唔多順利，教頭歷奇靴拔真係要諗吓計。




新簽射手麥亞里士打倒戈




主隊黃金海岸聯成立咗兩年，畀大家嘅印象都係唔上唔落，整體表現都係冇乜大進步，佢哋先後將居連拿同卡拉維拿送走，仲要放埋小妹最愛嘅射手史美斯，換嚟嘅都係冇乜名氣球員，最醒只係布力般棄將歷達斯。呢班新球員幫唔幫到黃金海岸聯真係未知之數，但單靠上年剩低嘅人腳，同埋今仗倒戈嘅前鋒麥亞里士打，主場要搞掂鳳凰仔應該唔係難事。




KIT推介 黃金海岸聯（主勝）