喜相逢金剛驃冤家路窄

猪拉多纳

薛達志承接夜戰「聚豪精英」贏馬旺勢，擒日再有「喜相逢」添進帳，兼且以叛將身份殺敗「金剛驃」，果真是冤家路窄。
       
喜相逢（右）力壓前廐侶金剛驃。

其實華廐馬向來都係落飛黨嘅出擊目標，「金剛驃」呢匹惹「飛」尤物，剛戰已經令捧場客焦頭爛額，今次加程處心積慮再搏，直路一度出頭下，可惜臨門被13倍冷門「喜相逢」後上擊退。「喜相逢」雖然直路受阻贏得驚險，但薛達志認為呢匹五班馬，上季接手後已兩度上名，表現穩定，今場劣勢贏馬，難怪賽後薛達志話即使贏馬加分，往後田草或谷戰一樣極具競爭力。
       
薛達志

華哥寶藏馬，轉倉有表現真係多不勝數，不過牙骹事小，呢次「金剛驃」再一次輸真銀，睇嚟「金剛驃」又要苦候開齋機會。