細哨下廚冇鑊氣 巴西焗煲魚生粥

猪拉多纳

11/10/2011


大家好！小妹查理阿蛋今日第1次同大家見面，梗係要做足功課開個好頭啦！個個都話「森巴足球」風光不再，仲要靠細哨孭飛，不過巴西查實都出咗個新球王尼馬，聽朝佢哋作客近況麻麻嘅墨西哥，要小勝一球應該冇問題嘅，一於扒冷博3.85倍「讓球和」。




（開賽時間：周三早上9:30）


墨西哥小豌豆啱啱傷愈


細哨回歸巴甲後鹹魚翻生，最近仲重返國家隊，不過佢去戰以隊長身份領軍，發揮只係一般；所謂長江後浪推前浪，反而之前備受批評嘅新星尼馬，表現就愈嚟愈好，今年為巴西上陣5次攻入7球，雖然缺少前鋒柏圖同羅賓奴，但都有「變形俠醫」侯克做後備殺手，大炒難度係高咗啲，不過要小勝就冇乜問題。




對家墨西哥近5仗只得1勝，王牌前鋒查維亞靴南迪斯啱啱傷愈狀態未足，另一主力杜斯山度士喺熱刺亦只係大後備，鋒力相當疲弱。好彩，可能墨西哥自己知自己事，近戰佢哋都係以防守行先，近5場賽事最多都係失1粒，今鋪面對巴西，應該唔會大敗嘅。