獨立隊跌Watt 咬唔入利加大學

猪拉多纳

12/10/2011
文： 笛子波童

獨立隊同利加大學近一年在南美球會級賽事好有緣，上屆四強獨立隊首回合作客輸二比三，然後次回合返主場贏番二比一，結果憑作客入球優惠晉級並且贏埋最後冠軍，不過今屆碰頭未必再有呢支歌仔唱。


「利大」力保首回合勝果


獨立隊今年演出明顯冇咗去年銳氣，莫講話喺本土聯賽踢得曳，就算早前喺自由盃再遇利加大學，佢哋兩次交手都只得一和一負，連同首回合作客淨吞兩蛋，獨立隊近五次交手只贏過對手一次，實力明顯差一截。而且論近況，利加大學近六仗僅曾一敗，加上場場比賽有入波，比起獨立隊近六仗輸四場亦較優勝，所以利加大學要保住首回合領先戰果問題應不大，「讓球主客和」獨立隊讓一球，「讓球客勝」值得捧場。