賠率有路捉：綠衣郎草地有人吼

猪拉多纳

　　唔知發生咗咩嘢事，噚晚飛數亂得交關，唔只怪飛馬多，仲有不少W熱P冷嘅情況，好似頭場「天下寶」W曾3.1倍，P卻有2.6倍；第六場「帝豪名駒」仲得意，W曾4.6倍，買P卻有4.7倍；唔知呢個情況好定唔好，如果係後者，小心小心。

　　怪飛馬方面，第二場「綠衣郎」噚日一度得7.5倍W，識贏嘅馬落四班跑，有飛本來好正常，但唔好唔記得，呢場係草地賽，唔係泥地，話說呢匹前安廐馬，至今六次喺草地上陣，最熱嗰次就係前季初跑谷草，唔知佢開邊瓣先有11倍，後來再跑草地，已經唔受歡迎，賠率喺38至95倍之間。今次轉伍廐即有飛，買注試吓。

黎海榮騎師王惹飛

　　騎師王方面，韋達手執東廐惡馬，又騎足八場，都有2.6倍咁筍？唔多似得。相反得9倍嘅黎海榮今次六匹坐騎都有飛，今次唔敲番一注，仲要等幾時？

周仲