避開「摩咒」搵到食！

猪拉多纳

13/10/2011
文： 查理阿蛋

足智彩尋日宣布，正式開始為法乙同荷乙受注，以後每星期會多19場波畀大家試玩!未出擊前，《太陽波經》梗要幫大家做功課，最重要嘅，就係記緊咪中法乙嘅「摩納哥魔咒」，同荷乙「大」無畏呢兩大錦囊！


摩納哥包尾隨時再降


咪以為法乙、荷乙唔入流，其實好多昔日國腳或明日之星効力。先講法乙，整個聯賽有20隊波，頭3名升法甲，尾3隊降班，今季已經踢咗10輪聯賽，現時由曾於49年至62年期間6奪法甲冠軍嘅蘭斯排榜首。想喺法乙搵食，蘭斯嘅主場最值得注意，佢哋目前喺主場5戰全勝，都幾靠得住。不過賭波至忌盲目信名氣，就好似老牌勁旅摩納哥咁，今季降落法乙後10戰只得1勝，放走埋朴主永後得番35歲嘅前法國國腳古利孭重飛，主帥則係冇執教經驗嘅馬高施蒙尼，有姿勢但冇實際，分分鐘要降多次班！


荷乙喪攻7成開大


荷乙則共有18隊，冠軍直升荷甲，包尾則直接降班，前列球隊可參加升班附加賽。呢個聯賽雖然球隊名氣唔大，球員方面最出名只得今季回巢伊高斯嘅前利物浦球星克羅金，雖唔好睇但其實相當好賭，今季荷乙開大比率達7成，榜首施禾利更係荷乙入球王，8戰入23球兼有7場開大，阿梅p:爾城更加係8戰全大添！




此外，目前荷乙2哥FC燕豪芬，同荷甲名牌PSV燕豪芬以前係死敵，但近年開始合作關係，PSV仲借出唔少新星畀FC燕豪芬，絕對唔可以睇小；今季降落荷乙作賽嘅威廉二世實力亦超晒班，暫時8戰5勝排喺第三，值得吼實。至於榜尾嘅安曼亦係銀行球隊，開季至今只得1和7負，有6場輸2球或以上，長追對家梗有着數！ 文：查理阿蛋