梅斯勒哈弗爾鬥頹博和波

猪拉多纳

14/10/2011
文： 查理阿蛋

馬會開埋法乙，講真有咩球隊大家都未必好清楚，難免會無從入手。但唔使驚，就等小妹為大家推介吓啦！法乙今輪有梅斯主場迎戰勒哈弗爾，雙方近況累鬥累，3倍和波抵博。（開賽時間：周六凌晨2:00）


雙方鋒將齊啞火


勒哈弗爾季初嘅搶眼表現就好似流星咁一閃即逝，曾經喺主場擊敗巴斯蒂亞同杜亞斯，點知近期表現急轉直下，連續3場作客輸波，仲要死火到1球都入唔到，當中對住護級分子甘岡亦要輸波，令人大跌眼鏡！只怪佢哋放走上季入咗13個聯賽入球嘅射手祖維拿，依家成隊波熄晒火，作客梅斯都唔慌會有咩好表現。唯一令人欣慰嘅係後防主將根頓復出救駕，即使前面攻唔入，條防線都應該頂得住。




至於佔地利嘅梅斯表現其實一路都唔錯，但又係近幾場忽然走樣，主場2連敗之餘，入球泉源杜咸姆仲要傷埋！冇咗呢位包辦今季大半入球嘅主力，加上中場基雲戴亞斯發揮唔到咩大作用，小妹真係唔睇好呢支護級球隊。既然兩邊都咁頹又啞火，唔博和博咩？