流浪走勢凌厲「-1」唔怕追

猪拉多纳

15/10/2011


由於季初已先後在三項賽事中出局，格拉斯哥流浪今季明顯較另一支蘇超班霸些路迪走得順暢，短短十輪賽事已領先宿敵十分，衞冕呼聲高。流浪今晚於主場出戰聖美倫，冇歐洲賽後顧下可盡情數胡，「讓球主勝」料可輕易開出。（周六晚上10時開賽）


聖美倫係「私房菜」


流浪今季在短短日子已先後在歐聯、歐霸及蘇聯盃出局，但冇其他賽事困身之下，專注聯賽果然交足貨，開咧十戰九勝一和，現時已拋甩死敵些路迪十分之多。流浪今輪會於主場出擊面對聖美倫，要爭取主場五連勝相信無甚難度，事關聖美倫可算係流浪「私房菜」，近十次對賽流浪贏九次，以流浪嘅佳態，料三分可輕易落袋。




再者流浪已經冇晒歐洲賽後顧之憂，唔似得些路迪仲要踢歐霸盃，所以今場唔使留力可盡情數胡，而後備射手大衞希利賽前就講明好想落場證明自己，領隊麥哥斯面對「私房菜」擺大個頭強攻亦非常合理，主隊應可大勝一場。