皇馬歐聯遇里昂有暗湧

猪拉多纳

16/10/2011
文： 力奇

嚟緊周中又係歐聯同歐霸盃賽期，其中歐聯嘅第3輪賽事，低過1.4倍W嘅竟然有6隊之多，係咪真係場場強弱懸殊冇得砌？我睇未必！皇馬主場對住里昂，就算話有主帥莫連奴同左閘馬些路波監刑滿復出，都唔係惡晒架，1.24倍主W無論賭單頭定過關都有危機！


曼市雙雄搏殺格


力奇唔係話信唔過皇馬實力，但今季佢哋都試過喺西甲作客利雲特同桑坦德失分。里昂呢支法甲老牌勁旅出名硬淨，亦係皇馬老對手，近年喺歐聯經常都畀到銀河艦隊麻煩。而且之前睇見C朗喺歐國盃搏到殘晒，萬一佢冇貨交皇馬隨時死火。




仲要留意係曼市雙雄，曼城同曼聯依家都各自喺小組排第3，想爭出線已經唔可以有任何保留。紅魔鬼今場作客加拉治個W都熱到得1.19倍，熱透係信心保證，曼城雖然仲有巴洛迪利停賽，好在阿古路應該趕得切傷愈，拍住迪斯高攻堅唔難搞掂黃色潛艇！