中央陸軍讓得辣食胡格

猪拉多纳

18/10/2011
文： 肥叔

西甲季初有隊神奇球隊，利雲特愈踢愈有，上場又得手，唔覺唔覺又贏一場，現時氣勢如虹。呢類球隊實力唔算強，但依家踢到着晒火，短期內可以繼續跟進，不過若然之後斷纜，咁就要再觀望吓，始終佢哋級數一般，長路總有盡時。




講番今次歐聯賽事，依家去到分組賽中段，各路勁旅都要搶分爭出線，預期賽果會較為正路，部分球隊已經拎夠分，要小心佢哋揸流攤，好似A組拜仁慕尼黑咁，依家六分在手形勢大好，今次作客拿玻里仲要讓到半球，個盤真係離晒譜，可以直頭捧埋對家。




是日重心推介係頭場莫斯科中央陸軍主場對特拉布宗，捧主隊！特拉布宗今屆異軍突起，現時位列B組榜首，令唔少人大感意外。不過，呢支土耳其新貴實力基本上見晒底，今次作客中央陸軍受讓半一，明顯被睇淡，可捧莫斯科中央陸軍。（有線61及201台周三凌晨零時直播）


巴素利無懼賓菲加


C組巴素利主場對賓菲加，巴素利上次對住曼聯踢出超水準，如非經驗不足，甚至有機會贏埋，贏盡口碑。呢支瑞士名牌主場出擊極具惡氣，今次對住賓菲加，牌面睇實力唔及對手，但絕對有條件偷雞，現時受讓半球盤口有利，下盤值得一試。