修咸頓韋斯咸爭做「大」佬

猪拉多纳

18/10/2011
文： 亨格比利

歐聯之夜有修咸頓硬撼韋斯咸嘅英冠榜首大戰做配菜。「聖人」今季主場贏晒，「錘仔幫」作客亦未輸過，既然旗鼓相當，倒不如博兩大射手列基林拔同卡維繼續數胡，向1.68倍大埋手。




（開賽時間：周三凌晨2:45）


列基林拔 卡維鬥入波


英冠「一哥」修咸頓今季主場5戰全勝，每場平均省3粒，首席射手列基林拔迄今轟入9球，據講幾間英超球會都吼實佢，不過列基林拔已經講明唔會走人，點都要率領「聖人」重返英超。




同樣以升班做目標嘅韋斯咸，雖然有右翼賓尼膝部重創抖半年，但上仗依然大炒黑池4蛋。查實「錘仔幫」攻擊點夠多，除咗卡維連續兩場有「士哥」之外，森巴鐸克、路蘭都有番咁上下取分能力，對住近7仗得1場保持清白身嘅「聖人」，當然有機會合演入球騷。