藍翼1.92倍細揸德過

猪拉多纳

19/10/2011
文： Mic少

亞冠盃四強首回合，兩支南韓球隊分途出擊，水原藍翼主場迎戰卡塔爾球隊艾薩德。藍翼踏入淘汰賽後，採取穩健戰術，不求悅目，只求晉級，而球隊能夠來到四強，證明策略成功，相信佢哋會沿用呢種踢法，主W1.33倍冇肉食，寧揀1.92入球細。




（now 671周三晚6時30分直播）




藍翼上圈面對伊朗索柏阿漢，兩回合90分鐘都係打和一比一，最後加時贏波晉級，可見佢哋對西亞球隊並冇優勢，藍翼吸取教訓後，今仗唔會貿然搶攻，就算贏都係小勝居多。




艾薩德千里迢迢去到南韓，只要唔輸已經達標，估計踢法上會傾向穩守。事實上，佢哋近四場亞冠盃作客，有三場打和一比一，表現硬淨。另外，艾薩德擁有南韓國腳後衞李正秀做「盲公竹」，實行「以韓制韓」，可以有效牽制對手一眾同胞。


全北汽車做「大」騷


至於全北汽車作客沙地阿拉伯伊蒂哈德預期會開大，「全汽」八強首回合作客三比四輸畀櫻花，次回合主場大勝對手六比一，兩場共出現十四個入球。伊蒂哈德上圈淘汰另一支南韓球隊FC首爾，其中主場贏三比一，今次再鬥南韓兵團，球員爭勝信心十足。以伊蒂哈德近三次主場共入十一球嘅走勢，好大機會同「全汽」合演入球騷。




（now 671周四凌晨1時05分直播）