歐聯波飛加價辣慶車迷

猪拉多纳

19/10/2011


車路士狂加歐聯門票價錢，令球迷極之不滿，「車迷組織」發起杯葛行動，罷睇今場對亨克。會方話會免費派發歐聯作客波飛作補償，但仍然平息唔到民憤，今仗史丹福橋球場好可能會出現大量空位，削弱主場氣勢。




派作客波飛補鑊唔收貨




全球經濟不景氣之下，車路士仍然將今屆歐聯分組賽門票由每張30鎊，加到40鎊（約490港元），加幅超過三成，完全唔體諒球迷生活負擔，「車迷」終於忍無可忍準備杯葛今場歐聯，要求減價。不過會方堅拒減價，只願意免費派發作客波飛，而且數量只有約一千張，實在非常孤寒，球迷肯定唔收貨，杯葛行動勢在必行。




四年之前，車迷亦發起過杯葛行動，當時歐聯車仔主場對洛辛堡，唔夠二萬五千人入場，入座率低於六成。另外，車路士亦拒絕球迷組織回購史丹福橋球場嘅建議，球會能否興建新主場仍屬疑問。