巴塞歐聯入球騷停不了

猪拉多纳

19/10/2011
文： 車車

前排西班牙有份報紙做咗個調查，睇吓究竟巴塞隆拿定係皇家馬德里受歡迎啲？最終巴塞支持率係44%，而皇馬就只得37%。如果我有份投票，我都係投巴塞，除咗因為我心愛嘅韋拿効力之外，講技術，始終都係巴塞高一籌。


柏辛域陀尼亞未夠班


巴塞近年表現的確令人讚嘆，幾乎每個佢哋有份參與嘅賽事都係捧盃大熱，就連隊中嘅王牌恩尼斯達都話已經唔想再同其他球隊比較，因為要贏人先要贏自己喎，仲要不斷學習，不斷進步，先可以對住唔同對手都可以贏出。




今晚歐聯H組呢隊「地上最強」會主場對捷克球隊柏辛域陀尼亞。雖然兩隊冇對賽往績，但小妹預計巴塞一定大開殺戒啦。「球王」美斯近況相當好，七場聯賽已經入咗十球。雖然柏辛域陀尼亞近十場作客都有七勝一和二負，喺近五場捷克聯賽亦保持不敗，之不過捷甲同西甲級數有一段距離呢。




仲有，巴塞好鍾意請對手食蛋，今季四場主場西甲對手全部入唔到波，上場歐聯作客對巴迪一樣冇面畀，照派五蛋，咁樣仲邊有得打？所以今場我估巴塞可以繼續入球騷！