自家威票數夠辣

猪拉多纳

　　今晚全泥地夜宴，「新強勁」同「聖迪達」飛數最硬淨，值得信賴。相反，第七場新勝同程嘅「天賜福星」竟然一度回至7.7倍咁好分，小心為妙。

　　講到怪飛馬，第二場一對「威」都有飛到，佢哋分別係「自家威」同「確威星」，周某本身鍾意前駒多啲，事關佢上仗未跑近，今次卻有投X者押錢落去，一定有特別原因。

　　講到最後賠率，呢匹馬今季跑咗兩場，不約而同成為76倍大冷門，跑草地唔吸引好自然，但睇上季泥地賽，佢其實都唔惹飛，賠率喺12至96倍之間，今次雖然話落班排一檔，但W得7.8倍，信心超勁，應該唔止得優勢咁簡單，可能谷咗先嚟﹗

　　安國倫騎師王有啟示

　　騎師王方面，近期旺人柏寶遇着主要對手韋達停賽，竟然有3.2倍咁多？有古怪。相反安國倫冇前者咁多坐騎，卻得3.4倍明顯有飛，跟佢。周仲