莫迪守細波迎史達比克

猪拉多纳

21/10/2011
文： ComboKing

自從法乙同荷乙有得玩後，搞到周五夜場變得熱鬧非常。不過，大家對兩個賽事唔多熟悉，現階段都係較宜觀望。今次睇中一場挪超，「一哥」莫迪近期「守」術一流，本周作客史達比克唔玩盤，齋捧入球細！（周六凌晨1時開賽）




挪威波向來多入波，但凡事總有例外，榜首球隊莫迪近期愈踢愈順，自從前曼聯名將蘇斯克查領軍後，攻守水平都有提升，特別係防守改善好多，依家非常守得，對上4場聯賽都冇失球，真係唔講得笑，今場對住史達比克，贏唔贏到就唔知，但預期唔會有好多入波，現時細盤分頭好，絕對值得一試。


杜塞爾多夫攻力強「大」


跟住睇場德乙，杜塞爾多夫主場對羅斯托克，捧大！杜塞爾多夫開季踢到着晒火，目前於聯賽未輸過，單計主場更加錄得全勝，近4次主場出擊有3場攻入對手4球，攻到對手慌晒，火力相當驚人。不過，杜塞爾多夫防守力一般，最近頻頻有失波，屬大盤客恩物，呢次對住羅斯托克預期士哥唔會少，大盤捧得過。




最後推介另一場德乙卡爾斯魯厄主場鬥波琴，波琴近期踢得好開放，對上８場正式賽事7場開大，加上卡爾斯魯厄防線甩漏多，再追大好正路。