史雲斯作客水皮餵餓狼

猪拉多纳

22/10/2011
文： 山度士

今晚英超早場上演護級搶分戰，狼隊主場迎戰史雲斯。兩軍實力差唔多，不過史雲斯今季作客表現曳到震，開季四戰全敗，狼隊聯賽連輸五場後，更要好好把握主場機會搶分，一於博狼隊反彈贏波。（有線300及200台周六晚7時45分直播）




史雲斯目前排名雖然高過狼隊，但要留意佢哋所有積分都係來自主場，之前踢四場作客全部輸晒，包括上場輸畀另一支升班球隊諾域治，所以唔好對佢哋作客有太大期望。




狼隊今季個頭開得靚，頭三輪聯賽連搶七分，可惜之後無以為繼，對上五場聯賽全部輸晒，最慘係首席射手史提芬費查受傷，今仗肯定缺陣，對球隊攻力有一定影響。


狼隊主場矢志反彈


不過正所謂「有危先有機」，既然狼隊成績衰到貼地，球員落到球場一定會更加搏命，更何況今場對手只係同級球隊、作客表現又咁曳，狼隊如果未能全取三分，未來嘅護級路將更加難行。兩軍實力差距唔大，狼隊主場之利睇高半線。


山度士


前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。