熱刺車輪戰有實力

猪拉多纳

23/10/2011
文： 笛子波童

英超布力般流浪主場鬥熱刺，熱刺領隊夏利列納今季起用兩班球員應付聯賽及歐霸盃，成功帶來良性競爭，雖然佢哋目前防線上有唔少傷兵，但面對戰績持續低迷嘅布力般應游刃有餘，簡簡單單捧1.78倍客勝。




（有線202及302台周日晚10時直播）




自從艾迪巴約加盟之後，熱刺前線出現人滿之患，連國腳級人馬迪科爾、柏夫里約真高都要退居後備，可見佢哋人腳幾咁強大，最難得係呢班球員冇話因為冇咗正選而扭計，反而每次有機會落場都更加拚搏，戰意有保證。


布力般防線甩漏多


熱刺目前唯一問題係防線多傷兵，加拿斯、戴臣、京治、哥魯卡都肯定唔出得，不過布力般進攻板斧唔多，僅靠死球戰術威脅有限。反而布力般今季防線甩漏多，未計尋晚聯賽，屬聯賽失波第二多球隊，面對擁有多名擅射前鋒嘅熱刺捱打居多，客W有1.78倍非常值博。