捧珀斯光輝唔驚彈弓手

猪拉多纳

23/10/2011
文： 樂比堅尼

每日都有好多人問樂比仔攞貼士，老實講，樂比仔有啲抗拒，因為心水嘅嘢，真係無時無刻都會改變，尤其係即場投X大行其道，呢一分鐘我買某隊，下一分鐘我買番對家都得，到時唔記得通知你，我贏錢，你輸錢，咁就唔好意思啦！




另一個問題成日有人問，就係賭波有乜竅門，呢個問題就簡單好多，賭波嘅嘢各師各法，最緊要贏就得，自己點賭贏得最多，點賭輸得多，全部記住佢，累積經驗再參考吓其他人，自然有進步。




如果賭波成日輸，真係建議戒賭，因為小數怕長計，咁辛苦打工努力賺啲血汗錢返嚟，無謂倒錢落海，儲蓄係美德，或者買啲自己鍾意嘅嘢，請家人朋友飲餐茶，都好過沉迷賭博！


鳳凰長征好辛苦


講番今日心水，係澳職珀斯光輝主場對威靈頓鳳凰，捧主Ｗ，大家唔使驚樂比仔彈弓手，因為鳳凰由新西蘭作客去到珀斯，係全球聯賽最長嘅征途，客軍好難克服到呢個障礙，點都同大家搭埋一條船，撐主Ｗ。




（周日下午4時30分開賽）