國米順番炒起基爾禾

猪拉多纳

23/10/2011
文： 巨高

正所謂不時不食，除大閘蟹之外，秋刀魚將會係巨高另一「追擊」目標。查實現今科技發達，秋刀魚一年四季都有得食，去凍肉舖要多多都有得你買。但講到當造時段就只有九至十一月，香港大部分鮨店亦會揀喺呢幾個月主打秋刀魚刺身。


秋刀魚最夾「阿沙宜」


好鍾意秋刀魚身紅得晶瑩剔透，如紅寶般置於木板上，魚頭魚尾微彎翹起，靚靚賣相齋睇都興奮。而師傅將魚肉切成一格各正方形，一啖一格，有心思得嚟又食得方便。秋刀魚肉味濃而不膩，愈咬愈想咬，遲遲都唔捨得吞佢落肚，擔心魚味太快消失。




好多人都話食魚就好難配到適合嘅酒，而巨高就同識食之人沈公子傾過，食秋刀魚時不妨大膽啲，摒棄清酒或白酒，以日式啤酒「阿沙宜」佐之。每當吞下秋刀魚後即大呷一口，第二重味道仲會從口腔滲出，簡直爽歪歪。




今晚好味波係意甲國際米蘭，主場對基爾禾，國米有史奈達復出，歐聯啱啱贏波順番晒，加上柏仙尼今季弗到爆，主場砌低基爾禾唔難。客隊只得一個柏利斯亞有威脅，只要成功箝制住佢，基爾禾惡唔出樣。國米主場贏兩粒都冇問題，捧「讓球主勝」。




（周日晚9時開賽）