利雲特 追殺蘇斯達

猪拉多纳

26/10/2011
文： SAMYO肥叔

正所謂寧買當頭起，呢句說話某程度上講得好啱，尤其係一啲季初彈起嘅球隊，佢哋個勢仲未被打窒，但操盤手評級依然唔高，所以仍會有啲好抵玩嘅盤口出現，肥叔今日就精選咗幾支季初銀行隊，趁依家個勢仲好好，可以跟番多少。




先講西甲利雲特，呢隊「小蝙蝠」以往只係中下游球隊，但今季個頭開得好靚，目前仲排緊榜首，佢哋最終踢成點唔重要，最重要係依家個勢仲好勁，肥叔相信佢哋仲可以威多一輪，今晚主場對皇家蘇斯達，讓半一上盤可以再追。（周四凌晨2時開賽）法聯盃蒙彼利埃季初奇兵突出，依家聯賽排緊第二位，對手羅連安特出名係地頭蟲，全靠個仿真草場也文也武，佢哋今仗要作客，梗係要大勇嘅蒙彼利埃啦！


漢諾威乘勇添食


德國盃則要留意漢諾威，呢隊波上仗聯賽連拜仁慕尼黑都砌低，你話幾咁勁，最重要係對手緬恩斯近況沉到不得了，近八場聯賽未贏過，漢諾威主場讓半球咁抵，有乜理由唔捧上盤。意甲烏甸尼斯亦硬淨，呢班波個個當打，防守又穩陣，今季仲未輸過排榜首，今場作客拿玻里受讓半球值得捧場。