P飛信心十足十

猪拉多纳

　　隔晚飛數已經話咗畀你知，熱門信唔過，除咗三場「閃耀小子」同四場「康樂名駒」WP硬淨外，其他六場唔係WP大熱分家，就係賠率好分過頭，小心啲好。

　　第八場正正係WP大熱分家嘅場合，W熱喺上場入Q嘅「帝豪名駒」唔奇，但位置有2.3倍咁多就好奇。相反，一度成為隔晚位置大熱門嘅「十足十」，飛數來得相當勁，只得1.3倍，照計唔應該咁熱先啱，因為佢上場季內初出已經唔多飛，最後賠率有14倍，跑落仲要得第九，按道理今次W至少有20倍先啱，但係佢隔晚一度得9.3倍W，輸完反而更吸引，唔係搏殺先兆，仲可以係咩？一於信佢。

蔡明紹騎師王有古怪

　　韋達同柏寶齊齊玩捉八場，唔係兩頭馬車就奇，但最令人莫名奇妙嘅係蔡明紹，坐騎少佢哋一半都係14倍，可以試佢。

周仲