馬體會受讓包搞掂

猪拉多纳

27/10/2011
文： 法比加輝

西甲快車最後一站，畢爾包主場對馬德里體育會。馬體會近期陷入低潮，連續六場未贏過，主帥文沙奴賽前暗示，今場會換一換陣容，畀機會班副選爭表現，希望部分常規正選在後備席廂靜思己過。加輝認為馬體會換班會有一番新氣象，加上有得受讓平半，支持下盤。（周五凌晨4時開賽）




自從上月被巴塞隆拿大炒之後，馬體會一直未好過，近六場四和二負，最弊係六場中只有兩場搵到「士哥」，一班中前場殺手統統忘帶射門鞋。為解困境，教練文沙奴今場決定變陣，話明會改出保羅阿辛卡奧、基比及艾華路杜明基斯等後備打正選，希望球隊喺新衝擊下能踢出驚喜。雖然中場伊度亞度沙維奧今場因傷缺陣，但哥倫比亞射手法卡奧則能趕及傷愈落場。


五訪畢爾包贏四次


畢爾包方面，中場古柏治重創後，已證實要長抖半年，至於前鋒洛蘭迪亦因傷上陣成疑。畢爾包狀態雖有好轉，但今季得勝率唔高，八場只得兩勝，而且馬體會近季到訪畢爾包成績理想，近五次作客對賽贏四次，受讓平半值博。