皇馬出蘇 3.5球大匯演

猪拉多纳

29/10/2011
文： 山度士

要數近期最弗嘅西甲球隊，點可以唔提「銀河艦隊」皇家馬德里。連埋歐聯在內，皇馬已經連贏七場比賽，而且踢落亦比死敵巴塞隆拿更具霸氣，今季要推倒巴塞王朝似乎已非「不可能的任務」。皇馬今晚作客皇家蘇斯達，度士預計佢哋可延續勝仗之餘，仲會繼續獻入球騷畀觀眾。




（now 632及660周日凌晨4時直播）




皇馬近期簡直可用「恐怖」形容，事關取得七連勝之餘更合共轟入廿八球，平均一場入四球，攻力非常驚人。睇番呢七場入球分布，足足有九位球員入波及一球烏龍，當中包括希古恩八球、基斯坦奴朗拿度七球、賓施馬四球，而卡卡亦有三球進帳。


蘇斯達近況曳


至於主隊皇家蘇斯達近況明顯比下去，近五仗輸四場，狀態差到暈，唔夠班做攔路虎。事實上，近季嘅「雙皇會」都係皇馬佔優，近五次贏晒，預計「艦隊」今場只要發揮出正常水準就掂。




皇馬賽前亦有利好消息，中場悍將狄亞拉及中堅艾比奧爾都可望復出，現時就只剩紐尼沙軒及卡維奴未Ready，所以人腳算非常充裕，就算近期要應付快車賽期，估計都影響不大。度士認為皇馬唔會咁「孤寒」，應該會送多幾個士哥畀球迷，3.5球中位數大盤冇有怕。




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。