贏盡啲捧多蒙特客W

猪拉多纳

29/10/2011


金融學上有一種叫「前景理論」或者「預期理論」（Prospect Theory），喺不同嘅風險預期條件之下，人類嘅選擇係可以預期嘅，係行為經濟學其中一個重要理論。


讓球盤回報率低


「前景理論」其中一個原理叫做「損失規避」（Loss Aversion），大多數人對損失同獲得嘅敏感度係不對稱，研究指出「喺街執到100蚊所帶嚟嘅快樂，難以抵銷遺失100蚊所帶嘅痛苦。」呢個新理論顛覆咗傳統經濟學理論嘅站腳點。




應用喺波盤市場上，大部分投X者如果睇好一支讓平半嘅球隊，大多數會選擇買「讓球盤」而唔投X「主客和」，心理上「打和只係輸一半」，但其實回報率較低，而且足智彩亦規定，「主客和」只係10蚊一注，但買「讓球盤」最低投X金額係200蚊，你精，個莊都唔笨。




今日有多場「讓球盤」讓平半嘅賽事，睇中多蒙特作客史特加讓平半，由於多蒙特近八場非贏即輸，冇和過波，即是話讓平半都唔係輸一半，而係輸晒，不如取更高回報率嘅客W。