馬賽回勇作客殺迪

猪拉多纳

29/10/2011
文： ComboKing

今日阿King重心推介放在法甲聯賽，馬賽經過季初一輪低潮期，近期表現開始復甦，今輪作客遇強愈弱嘅迪安，1.7倍客Ｗ捧得過。




（周日凌晨1時開賽）




迪安、馬賽周中同在法聯盃贏波晉級，迪安以三比二擊敗勁旅巴黎聖日耳門當然抵讚，不過相對地付出體力較多，相反馬賽主場四比○輕取乙組仔朗斯，過程輕鬆如練波，講體力客軍先勝一仗。計埋周中一役，馬賽連贏兩場兼冇失波，迪安卻係聯賽失波第二多球隊，而且面對前列球隊包括聖日耳門、蒙彼利埃、雷恩、里昂等全部輸波，實力上明顯未夠班，遇上近況回勇嘅馬賽不宜過分高估。


蒙彼利埃Ｗ抵「錫」


另一場法甲蒙彼利埃主場鬥南錫，南錫上周終於打開今季聯賽勝利之門，不過佢哋作客演出打折扣，主隊周中於法聯盃以寡敵眾被淘汰，谷埋一肚氣要發洩，捧1.45倍主Ｗ。最後一關選荷甲矚目大戰川迪主場鬥燕豪芬，兩軍實力非常接近，而且高手過招大家都唔想輸，睇番近六次交手上半場都分唔到勝負，可揀「半場和」，同時呢六次對賽總入球都唔超過兩球，細盤亦可一試。




（now 639周日凌晨２時45分直播）