利雲特贏到你唔信

猪拉多纳

30/10/2011
文： SAMVO肥叔

意甲球隊烏甸尼斯季初戰績理想，上場雖然錄得今季首場敗仗，但對手拿玻里係實力分子，輸波非戰之罪。烏甸不敗身被破，但評級未有被調低，唔少行家睇好球隊前景，今季意甲又係亂局，如果烏甸能夠保持季初水平，殺入前三位絕不為奇，今周對巴勒莫可秤先。




西甲亦有一支當紅球隊，榜首利雲特贏到你唔信，一於再追！利雲特季初表現好得人驚，上場對皇蘇劣勢下照贏，氣勢真係唔講得笑！有時賭仔心態好難明，明明見到呢隊波咁順，但又怕追寶尾，肥叔已經唔止一次提過，賭波寧捧當頭起，依家利雲特全軍上下信心爆棚，今次作客奧沙辛拿坐和望贏，受讓係超級筍盤，要下盤！




（now 632及660周日晚11時直播）


桑坦德屆反彈時


同日西甲賽事桑坦德主場對貝迪斯，捧主隊！桑坦德季初戰績曳，起步脫晒腳，現時位列下游，不過，呢班波近仗表現已有改善，如果單計實力評級，佢哋同貝迪斯屬於同一檔次，今次主場出擊唔使讓波，盤口非常着數，平手盤必捧桑坦德。另外，意甲賽事錫耶納主場對基爾禾，兩軍級數接近，錫耶納勝在主場威力強，今次小讓平半盤口合理，肥叔推介錫耶納上盤！