銀河抖夠生擒紅牛

猪拉多纳

30/10/2011
文： 自由恒

今日歐洲轉行冬令時間，4大聯賽戲碼就認真麻麻，英超仲只係得場熱刺對昆士柏流浪，完全唔值得捱夜睇波，但若果唔想咁早瞓住，仲有場紐約紅牛主場迎戰洛杉磯銀河等住大家，亨利Vs碧咸+羅比堅尼，都係那些年追捧過嘅球壇巨星，呢場美職西岸4強首回合確實令人期待。




還記得兩隊喺10月初嘅常規賽碰過頭，紅牛主場以2:0擊取銀河，不過嗰陣正值國際賽期，銀河射手羅比堅尼要代表愛爾蘭踢歐國盃外圍賽，當路雲又養緊傷，遇上決心搶分搶季後賽入場券嘅紅牛，當時已經差唔多穩奪常規賽冠軍嘅銀河梗係較蝕底。


紅牛近期連場硬仗


不過事隔一個月再碰頭，情況就完全唔同，羅比堅尼同當路雲都在陣，銀河可以最強陣容應戰，反觀紅牛為咗搶分踢季後賽，近期講得上係連場硬仗，上周四朝早仲要踢埋外卡賽先殺到入嚟西岸4強，平手盤要以逸待勞嘅銀河好過。




（now631台周一凌晨3:00直播）