格蘭納達好細界

猪拉多纳

31/10/2011
文： 法比加輝

周二凌晨西甲獨腳戲，西維爾主場對CF格蘭納達。客隊雖然被視為今季降班熱門，但踢落並非太曳，而且佢哋有自知之明，往往一字記之曰「守」，所以升班後甚少大敗，更連開七場入球細。適逢西維爾有主力射手尼格度因傷缺陣，攻力有所減弱，細盤有2.02倍值博。




（now 632及660周二凌晨4時直播）




升班馬CF格蘭納達經過九輪聯賽後，只得五分排包尾，單睇成績肯定唔合格，不過加輝幾欣賞呢班波，皆因班球員紀律性高，自知實力欠佳往往唔會胡亂鬥攻，一於輸少當贏。


格軍鐵桶陣唔易破


事實上CF格蘭納達嘅防守力真係唔曳，九場聯賽只有兩場係輸多過一球以上，攻力強如巴塞隆拿、華倫西亞及馬德里體育會都「可一不可再」，唔能夠兩度射破佢哋大門，老實講呢個數據唔易攞。




主隊西維爾今季踢法有所改變，教練馬些連奴非常注重防守，而事實證明呢個轉變亦尚算成功，至少西維爾今季聯賽仲未輸過，而且只係失咗六球而已。當然，加強防守自然會削弱入球力，西維爾今季聯賽僅入十球，表現普普通通，而且球隊前線球員緊絀，來來去去得三名前鋒簡路迪、迪摩奴同尼格度，老實講三人質素都唔算高，最當打嘅尼格度今場又因傷缺陣，加輝認為西維爾今場難大勝，入球細分頭不俗值博。