烏甸作客守細波煞食

猪拉多纳

03/11/2011
文： Mic少

I組好戲碼，西甲馬德里體育會主場對意甲烏甸尼斯。兩隊上輪交手，烏甸贏二比○，出線形勢大好，今仗未必去盡，難怪主W熱爆僅1.5倍。但要留意馬體會今季整體演出令人失望，不宜高估，尤其係鋒線經常死火，預料即使贏亦小勝居多，建議要1.88倍入球細。（有線61及201台周五凌晨4時05分直播）


馬體會鋒線死火


馬體會今季放走兩位射手科蘭及阿古路，簽入上屆歐霸盃神射手法卡奧，不過呢位哥倫比亞前鋒水準唔穩定，佢可以一場入兩、三球，但亦試過連續多場食白果，令球隊失去入球保證，造成馬體會今季十場聯賽有六場入唔到波，三場歐霸盃分組賽亦全開細局面，相信烏甸亦睇到馬體會呢個弱點，會出招凍結法卡奧。




烏甸尼斯三戰有七分，領先次席馬體會三分，更拋離第三、四位球隊五分，今仗只要唔輸，出線問題不大。其實烏甸同馬體會都有相同問題，就係太依賴射手迪拿達利數胡，但呢位老將已經三十四歲，難以每場搏盡。而且烏甸今季作客成績亦唔掂，聯賽及盃賽共七次作客僅一勝，全部開細，一於再追細盤。