地頭龍施禾利「威」力驚人

猪拉多纳

04/11/2011
文： 朱楓

荷乙今晚上演前列大戰，由班霸施禾利主場迎戰「老三」威廉二世，主隊火力強勁兼主場無敵，我捧2.45倍「讓球主勝」！（開賽時間：周六凌晨3:00）

威廉二世作客飄忽

施禾利目前以11戰得26分喺荷乙一枝獨秀帶出，威廉二世則落後4分排第3，如果施禾利今晚贏波，升班形勢就更加有利。事實上，施禾利狀態好到冇朋友，聯賽4連勝，之前喺荷盃不敵甲組華域克根本係非戰之罪。再睇埋聯賽主場5戰全勝，除咗首戰贏奧斯係小勝2:1，其餘4仗都係至少贏2球。仲有，佢哋依家11戰入咗34球之多，平均每仗入3球有多，強勁火力要大勝又有幾難？


今季降落乙組嘅威廉二世，爛船都有三斤釘，目前整體表現唔差。唯一要挑剔，係佢哋客場演出認真飄忽，5戰得3勝2負，當中仲輸過畀包尾大幡阿高夫，今次出訪施禾利想輸少球都難呀！