快達小子好好機會勁綵陽光普照 精彩日子精彩生輝永勝多自由萬歲

猪拉多纳

　　今期3泥7草沙田賽事，草地用C+3欄，向來唔多利追，且看換冬草後第二回合，模式係咪有別。說到騎練組合，今期東巫與蔡韋，唔少機會馬上陣，兩大倉口加兩大師傅，呢期應有大攻勢，雖然部分熱門好似唔多抵，亦唔代表唔贏得，都要留意。

重心場次　第9場　第三班（80-60分）1800米草地

　　「火熱動感」除咗配件跑兩場俱喺前幾名返嚟，初出輸到冇影，關鍵似在面箍吧！由於已跑3場，再逗留在中程，其實唔會提升到威力，不如轉回此程，路程長了仲好追，而話晒上季同程曾與當時好銳嘅「喜蓮智星」串Q，跑出水準，唔怕任何對手。

　　「印度光輝」要透過賽事至跑得起狀態，嚟到季內第3仗，時間表差不多。「歡欣滿載」唔係重磅，以佢贏得「智多飛」嘅往績，應該係高晒。

　　「中環英雄」真係估唔到今場會用咩跑法，如又放頭，此程幾難扳到。「福陞」與「高分貝」，級數比前幾駒略低，不過，前駒跑法有利及檔好，後駒仍處當打期，一併可兼顧。「大衛精神」轉向長途，可能有唔錯效果。

第1場　第四班（60-40分） 1200米草地

　　「最著數」及「鄉村活力」，唔會喺四班留得耐，兩匹4歲仔至少擁有三班夠贏級數，除非同告失準，唔係必定屬單打獨鬥格局。

　　「太陽好好」初出前早課有好感，只因臨場情緒波動先至唔鍾意，但落場跑又是另一回事，演出比預期好，亦係有分揸手。「安瑪」按上季賽績，還是縮落此程比較有把握。「精彩遊戲」試閘有速度，但略嫌促咗啲。

第2場　第五班（40-0分） 1600米草地

　　「喜相逢」田草長直路一樣衝贏對手，未必係受惠上場早段步速快，反而係轉倉後實力倍增，希望佢唔係孱仔，體力可頂多場。「天之驕子」目前分數太有利，一旦復甦，前駒也要顧忌三分。

　　「過關勇將」換了巫斯義，預期跑法亦可能會比前冇咁進取，可能有幾大幫助。「金得意」、「超力駒」及「天下寶」轉田草，機會以後駒較好。「金剛驃」係怕此廐馬忽然走樣。

第3場　第四班（60-40分） 1000米草地

　　「好利佳」和「翡翠明星」，俱在大閘走得吸引，前駒演繹時比較含蓄，後駒則「大鑼大鼓」，總之，一對馬唔似四班馬，季內首戰已夠贏。

　　「震撼」兩大閘試得唔係唔好，但進度卻不及前兩駒。「健康精英」集中跑直路賽，做法明智又實際。「好歌」2檔跑線不利，同埋，要同場實力馬相繼失準才輪到。

第4場　第四班（60-40分） 1800米泥地

　　「新強勁」及「稻庭烏冬」，一對馬在泥地屢有成績，當然，秤實力，前駒明顯高一截。

　　「駕世仔」和「萬子千紅」，重磅、外檔、冇路程經驗，唔難克服晒。「金瑞」連場熱身後，轉回有把握泥地並加程，未必係副車。「更捷勝」連田草1800米亦有P，除非冇泥地，如果唔係，成效更佳。

第5場　第四班（60-40分） 1400米草地

　　「快達小子」初出路短，末段仍有兩腳，演出收貨，總覺暑後已早有狀態，冇理由會等，轉路程應有心搏。「勁綵」及「好好機會」，實力不會比前駒失色，同樣具實力爭勝。

　　「陽光普照」及「和牛」，跑法相近，不過，前駒跑開，點都秤先啲。「神聖駒」可能加程至啱，不過，剛賽直路仍覺不太聽話，要睇進度了。

第6場　第三班（80-60分） 1400米草地

　　一對「精彩」，先講「精彩生輝」，地庄見晒，係跑弗；「精彩日子」上季5月已做工夫，等到進度夠晒先至出賽，首戰應係目標。

　　「自由萬歲」贏在走位主動，級數未及前兩駒。「永勝多」今場太多對手揀唔上手，食老本可能夠入圍。餘駒已難評，勉強可諗「世界波」，上仗追得好，但兩年幾冇贏，充其量P格。

第7場　第三班（80-60分） 1200米泥地

　　「綠色寶」跑3場，名次冇大變，但陣中走規及流暢性係有改善，今場加罩及轉場，本身噸位勁，或可勝任。「太陽昇」1檔，博全程黐欄賺。

　　「駔驍駿駒」贏完名次退步，希望跑過1場，消化之前評分加幅。「時代明星」、「萬人迷」、「一定快」，唔係冇班，就冇穩定性，但跑出水準則有資格爭三甲，可敲。

第8場　第三班（80-60分） 1000米草地

　　「勁闖駒」回到直路賽，實力唔同晒，8檔跑線亦好，三甲穩。「首飾達寶」上季曾以超班姿態贏同程，就算初出交唔出十足，亦已夠爭。

　　「江山如畫」轉回此程，不用再受檔位影響，有好冇壞。

　　「軍旗」初出發揮不算稱職，最後幾十米根本係隻馬自己湧上，希望今場騎者醒醒定定，唔係冇得爆。「御鋒」又撞到「勁無極」，隨時雙雙鬥燒，一如上場最後大家都冇so。

第10場　第一班（105-80分） 1650米泥地

　　「多采多姿」上一哩，或比1400米更啱，雖然泥地欠根據，睇大閘及跑法，應可勝任。「軍事行動」、「萬能駒」及「幸福紅椒」，剛賽同程構成三重彩，表現各有各好，而今仗仍以前駒再賺嘅機會較高。

　　「好得意」開氣後再跑，或強化到末段貫注。「聖迪達」泥地性能好，轉跑一哩卻掹掹緊。

馬會賽馬節目主持　洪禮賢