賓福特貪盃「夫」添抵捧

猪拉多纳

08/11/2011
文： 朱楓

打盃賽最緊要講決心！賓福特喺今屆英格蘭聯賽錦標決心雪前恥，早前已先後淘汰兩支勁旅，今晚喺16強主場迎戰同級嘅般尼茅夫，相信實食無黐牙，1.85倍主W放心捧！（開賽時間：周三凌晨3:45）




賓福特近年喺英甲成績一般，但喺盃賽成績就唔錯，上屆更殺入英格蘭聯賽錦標決賽，可惜最後不敵卡素爾屈居亞軍。可能覺得唔抵，賓福特今季喺呢項賽事特別落力，喺第一圈先作客淘汰當今英甲4哥米爾頓凱恩斯，上圈更加作客大炒目前英甲一哥、今季贏到開巷嘅查爾頓，預料今晚會繼續夫添出擊。


般尼茅夫分心護級


其實賓福特今季改由前曼城球星路斯拿執教後，表現的確改善咗唔少，日前更加喺英甲作客逼和錫周三，終結對手今季主場100%勝率，賽後路斯拿都大讚隊波表現完美毫無瑕疵。




般尼茅夫上季一鳴驚人，一升上英甲就殺入升班附加賽，可惜今季無以為繼，目前喺24隊中只排16，距離護級安全線僅6分，試問仲邊有心爭盃仔？今晚真係隨時大派副選上陣應酬都唔奇！