柏寶贏得清脆利落

猪拉多纳

　　柏寶連續三天沒進帳，令一眾支持者失望，不過相信今次快活谷賽事他應可打破悶局，而最大機會應是第二場「清脆利落」，此駒早前雖因右前蹄不良於行而退出，但馬兒很快便復課及快試，相信只是小問題。

　　「清脆利落」上季出道以來成績其實相當穩定，雖未交出頭馬但在同程6次上陣全入三甲，其中上仗初配柏寶於C+3欄排12檔起步，沿途走外叠下只敗給「聚豪精英」，後駒再出再贏反映賽事水準高。其實連同這仗，騎練前季至今谷草四班1200米合作17次，共取得7冠3亞2季3殿，僅得2次不入前4名，「清脆利落」今仗有力開齋。同場吳定強的「元豐泰」今次初戴眼罩上陣，查前季至今練者安排初戴眼罩的谷草馬只得五匹，獲1冠1季成績不俗，今仗有權變身。

　　另外，較為均勢的第四場，同程五勝的「百利旺」亦要留意，此駒上仗跑第五，現時評分已接近歷來新低，十歲馬一定搏盡！

馬會Content Team專員　劉偉康