車士打菲特防線大穿窿

猪拉多纳

09/11/2011


今個周中比較淡靜，但一樣有好嘢推介畀大家，今次睇中場英錦第三圈賽事，車士打菲特主場對燦美爾，主隊防線曳到極，失波數字高企，對上七戰六場開「大」，相信短期內難有改善，今場可捧大盤。




（周四凌晨3時45分開賽）




車士打菲特目前於英甲位列下游，主要因為失波多，佢哋近期後防中門大開，對上六戰勁失十四球，其中三場失三球，無論主場定作客都係守唔住，反映呢班波真係好曳。大軍上圈於盃賽戰勝諾士郡，已算近期佳作，今次對住燦美爾決心再於盃賽揚威，鬥志唔使懷疑，獨忌佢哋入埋唔夠輸，都係玩大盤好過。


兩場葡聯盃都吼細


同日仲有葡聯盃第二圈賽事上演，葡超大軍費倫斯主場對葡甲球隊樸迪莫倫斯，兩隊於聯賽位列下游，近況同樣一般，費倫斯曾於主場守和波圖，戰鬥力唔弱，但大軍衰在鋒力弱，近五戰加埋只入一球，火力弱到不得了，未必讓得起對手。樸迪莫倫斯自知實力唔及對手，必定會專心做好防務，呢場玩細盤最好。




另一場葡聯盃賽事由葡超球隊塞圖巴爾主場對葡甲球隊拿華，塞圖巴爾實力較強，而且有主場之利，牌面睇落贏得，但大軍又係衰攻力弱，近五戰四場冇入波，今場都係玩細盤好過。