華斯高主場強陣翻身

猪拉多纳

09/11/2011
文： 麥馬拿仁

南球盃八強次回合，巴甲華斯高主場鬥秘魯體育大學。華斯高首回合落後兩粒，只因派副選，今仗隊長祖連奴比南布肯奴，射手艾爾頓洛迪古斯等都會復任正選。睇番對上兩圈華斯高作客均敗，但主場就勁到無倫，上圈贏八比三有辦你睇，捧「讓球主勝」！




（廣東體育周四早上7時50分直播）




華斯高上一次捧走主要錦標，已經係2000年奪巴甲冠軍，今次球隊殺入南球盃八強，係再次問鼎錦標好機會，就算現時球隊排緊巴甲第二、進入爭標直路，相信華斯高都唔會放棄南球盃。


秘魯體育大學唔係嗰皮


同好多勁旅一樣，華斯高會以二、三線兵應付南球盃作客賽事，由第二圈到依家八強，三場作客華斯高輸晒，包括○比二不敵秘魯體育大學。但於主場比賽，華斯高就會以強陣應戰，上圈狂數奧羅拉八比三極為精彩。有晒攤路你捉，唔跟就笨。「秘大」雖然於今次盃賽表現平穩，但實力唔係華斯高嗰皮，捧「讓球主勝」。




今仗為八強次回合，兩回合比數若打和，計作客入球條例；未分勝負的話，就即射十二碼決勝。