英幼獅破「冰」爭升呢

猪拉多纳

10/11/2011
文： 走肖

2013年U21歐國外今晚再次進行分組賽，英格蘭喺第8組主場對冰島，1.46倍「讓球主勝」咪嫌熱。首循環碰頭「英幼獅」淨勝3球，今次再遇基本陣容冇大變，當時連中三元嘅阿仙奴翼鋒阿歷士張伯倫，肯定食過翻尋味，一於睇住直播捧幼獅發威。（now671台周五凌晨3:30直播）

張伯倫係冰島剋星

英格蘭可以話係名牌毒藥，佢哋無論大人定細路踢波，通常都信唔過，記唔記得今年U21歐國盃，英格蘭喺分組賽出局呀？不過咁，經過呢次慘痛教訓，班幼獅似乎回復求生本能，暫時佢哋喺分組賽3戰全勝，喪入11球、僅失1球，呢次有迪爾科尼素、佐敦軒達臣同奇治戴臣孭飛，相信唔會突然失準咁衰仔。


近排英格蘭U21咁勁，原因應該同大國腳年輕化有關，今次英格蘭國家隊點兵，韋碧克、菲爾鍾斯、魯迪維爾同基爾獲加分別得到徵召，領隊卡比路仲爆響口，唔排除出年帶埋首循環對冰島演帽子戲法嘅阿歷士張伯倫踢歐國盃，其他未上位嘅幼獅聽到，仲唔鍊盡咩？冰島U21暫時喺分組賽得1勝2負，中場域陀柏爾臣又要停賽，要唔過喎！