畀甘馬曹截胡唔順氣 薛高望踢走死敵教國足

猪拉多纳

11/11/2011
文： Mic少

伊拉克領隊薛高不但要帶隊晉級，仲想搶埋甘馬曹飯碗，事緣呢位巴西名宿原本想執教中國隊，卻被甘馬曹捷足先登。薛高仍然耿耿於懷，話仲有興趣做中國主帥。若然佢今次再擊敗甘馬曹，或可取而代之。

獲日本足總提供情報

薛高球員及教練生涯都試過喺日本搵食，佢對於同樣位處東亞嘅中國都好感興趣，自爆一度想執教國足：「三、四個月前，有人問我有冇興趣執教中國隊，我答有，但之後冇晒下文，最終知道佢哋請咗甘馬曹，的確有啲可惜。」


事實上，中國經濟發展迅速，生活環境點都好過伊拉克，可以長留國內，了解球員表現，但執教伊拉克，工作上難免冇咁順暢。薛高內心仍然掛住國足，而同日本足總關係超好嘅佢，更獲對方提供大量中國隊情報，希望將來伊拉克同日本可以攜手晉級決賽周。