阿根廷大開殺戒

猪拉多纳

11/11/2011
文： 波童法寶

世界盃南美洲區外圍賽，阿根廷主場迎戰玻利維亞，阿根廷上次作客意外不敵委內瑞拉，今次返主場為重敲勝鼓，領隊沙貝拉或會派三箭頭攻堅，不過考慮到阿根廷近期比賽經常有失波，讓球主客和讓二球風險較高，建議捧3.5球嘅大盤。


（有線61及201台周六凌晨4時直播）


從頭兩輪賽事所見，阿根廷主場及作客表現差好遠，首仗主場能以四比一大勝實力不俗嘅智利，次輪作客卻以○比一輸畀委內瑞拉。由於巴西以主辦國身份直入決賽周，基本上只要阿根廷發揮正常水準，頭四名直接出線資格好難走得甩，不過大前提係唔好喺主場無謂失分，今場對手玻利維亞係目前南美洲區排名最低隊伍，而且頭兩輪分組賽又全部輸晒，阿根廷如果失分真係好難向擁躉交代。


p;阿古路希古恩美斯盡出


領隊沙貝拉為確保勝果，賽前暗示會以阿古路踢正選，夥拍希古恩、美斯攻堅，自從美斯墮後擔任自由人，阿根廷進攻明顯較以往流暢，而且前兩者今季喺所屬球會都有好表現，入球能力唔使擔心。不過今場讓球主客和主隊讓二球，波童對開出「讓球主勝」嘅機會卻有所保留，始終阿根廷對上三場比賽都有失波，況且如果主隊能夠早開紀錄，呢場比賽隨時唔止入三粒，中位數調至3.5球照捧大盤。