夢幻十一再下一城

猪拉多纳

　　今個馬季過了不足四分一，告東尼馬房已經做了23次「阿二」，手風稍為欠順，但視其賽駒為Q膽亦是不錯。

　　第七場東廐新勝馬「夢幻十一」是今季首匹勝出的N布馬，查上季首匹勝出的M布馬「魔幻大師」同樣來自東廐，「魔幻大師」開齋後再出贏馬路程取得連捷，「夢幻十一」當然希望可以照辦煮碗！其實前季至今練者旗下三歲馬勝後於季內再出共有35次，獲11冠5亞6季，觀其上仗贏馬姿態輕鬆，絕對有力再下一城。同場的「閃耀之星」三戰谷草均無功而還，今次首度出爭田草賽事隨時如同廐馬「多采多姿」一樣大變身！

　　另外，第三場姚廐「足智多謀」上仗僅獲第二，其實練者上季共有三匹三歲賽駒跑獲亞軍後再出補中！今次「足智多謀」操足而臨，有敲響勝鼓。同場「明旺」前仗與「足智多謀」幾乎同時過終點，轉戰泥地落敗後即返此程可爭。

馬會Content Team專員　劉偉康