獅吼遠程炮獵殺鳳凰

猪拉多纳

13/11/2011
文： 阿占

今日布里斯班獅吼主場對威靈頓鳳凰澳職嘅獨腳戲，名副其實係獅子搏兔！排榜首嘅獅吼上輪雖然失分，但喺澳職不敗戰績已增至33場，實力大超班，傷兵滿營嘅鳳凰實在唔係佢嗰皮，今場簡直係有殺無賠格局，撐硬1.75倍「讓球主勝」（開賽時間：周日下午2:00）




布里斯班獅吼上場同得番9人應戰，都只能夠打和墨爾本勝利2:2，雖然冇輸到，但點都係今季第一次失分，全隊上下對全勝斷纜都好失望，中場柏亞達路講明今場要大反撲，一震聲威喎！


殘陣鳳凰作客唔掂


柏亞達路預期今仗對手威靈頓鳳凰會效法勝利玩死守，為咗瓦解對手密集防線，獅吼賽前仲苦練遠射，準備用遠程炮轟破對手大門。雖然中場尼高斯要代表澳洲國家隊無緣披甲，好彩德國兵布萊治已經傷愈，可以填補尼高斯嘅空缺。




獅吼就連續33場澳職未輸過，相反對家嘅威靈頓鳳凰就3連敗，輸波背後嘅最大問題就係傷兵滿營，中場雲斯做完手術仲未出得，後衞唐尼同前鋒米贊柏夫洛域亦要多一輪先可以披甲，另一個中場彭迪利斯更係已經提早收咧！殘陣再加埋一向作客唔掂，今場輸少當贏啦！


頂占筍盤：布里斯班獅吼（讓球主勝）


有線球彩台主持阿占‧電郵：soccer64@cabletv.com.hk




PHONE波熱線：1831 678

「球彩俱樂部」開放時間：周日晚10:30至11:45