凱沙回勇受讓「遜」得過

猪拉多纳

18/11/2011
文： 朱楓

今晚利華中場波歷克會喺相隔多年之後倒戈凱沙羅頓，不過朱楓認為佢好難喺母會身上搵到着數，事關利華可能有射手舒賀爾尼缺陣，加上下周中仲有歐聯跟尾，作客對住近期硬淨到爆嘅凱沙，主隊受讓平半我會敲下盤！（有線61及201周六凌晨3:30直播）




如果熟德國波，應該記得喺凱沙羅頓出道嘅波歷克，曾經喺98年帶隊一升班就捧走德甲冠軍嘅奇迹。今季波歷克喺利華回勇，可惜班隊友唔多爭氣已兩場不勝，射手舒賀爾尼周中仲因為感冒唔可以幫德國隊披甲，今晚可能繼續缺陣。其實最令朱楓擔心嘅係，利華目前喺歐聯E組出線唔穩陣，下周中主場對車路士嘅大戰極之關鍵，有咁大包袱孭喺身，今晚想專心比賽真係唔係咁易。


凱沙羅頓近5戰不敗


開季表現一般嘅凱沙羅頓，近期漸入佳境，上輪作客打和賀芬咸1:1後，連德國盃喺正式比賽已累積5場不敗。喺啱啱嘅國際賽期，佢哋仲約咗歐洲國家隊盧森堡拍跳，結果輕鬆贏2:0，當中啱啱喺暑假因爬樹摘櫻桃失足，跌落地面導致重傷嘅前鋒阿當尼米錫仲有波入，睇嚟已經重拾上季勇態，話唔定今晚會成為贏利華嘅英雄o架！