「懊悔理論」捧諾士郡

猪拉多纳

19/11/2011


股神巴菲特講過：「在別人貪婪時恐懼，在別人恐懼時貪婪。」絕冇深奧嘅言詞，個個一睇就明，但做到嘅又真係有幾多人。




2007年獲頒邵逸夫獎數學科學獎嘅英國數學家李察泰勒，曾經提出「懊悔理論」（Regret Theory），佢做咗一個測試：甲先生睇戲買飛，結果成為第一萬位顧客，獲得1,000蚊獎金；乙先生睇戲買飛，前面嗰位係第十萬名顧客，獲得1萬蚊獎金，乙先生因緊隨其後，獲得1,200蚊獎金。你會做甲定乙呢？


羊群效應忌跟風


結果許多人寧願做甲而唔做乙，即使乙先生明明攞多200蚊，好多人嘅理由係唔想感到後悔，李察泰勒將呢種心態叫做「懊悔規避」（Regret Aversion）。唔想後悔會令人喺投資賭博上作出錯誤抉擇，人買我買驚蝕底，羊群效應下買一隻大家都睇好嘅股票或者一隊球隊，有咩事一齊錯。




道理放落波盤市場，身邊人甚至傳媒威力，令到一支球隊多人追捧，如果自己買對家，事後輸咗嘅話，會好後悔點解唔跟人買，但隨波逐流冇晒自我分析，肯定唔會喺波盤市場贏到錢。




英甲哈特斯菲爾德主場對諾士郡，莊家開主Ｗ1.62倍，好多人亦會認為佢哋主場出擊贏得，羊群心理揀哈特斯菲爾德，但其實對手諾士郡近況亦唔曳，哈軍冇必勝把握，揀番「讓球客勝」。




（周六晚11時開賽）