皇馬群星捱細界

猪拉多纳

19/11/2011
文： Mic少

下周中有歐聯，西甲豪門皇家馬德里及巴塞隆拿率先今晚踢聯賽，其中皇馬將作客華倫西亞。「銀河艦隊」已提早取得歐聯出線權，冇後顧之憂，但要提防「FIFA病毒」，因為C朗等多位主將剛於國際賽搏到殘，隨時腳軟影響攻力，皇馬讓半一上盤唔抵玩，寧博2.29倍入球細。




（now 632及660周日清晨5時直播）




皇馬眾星近日辛苦過擔泥，C朗、比比及法比奧干查奧都為葡萄牙踢足兩場對波斯尼亞嘅歐國盃外圍賽附加賽生死戰，賽後C朗出現肌肉疲勞，缺席歸隊後首課操練。射手希古恩更遠赴南美洲，為阿根廷踢兩場世界盃外圍賽，兩場都硬仗消耗大量體力，加上要搭長途機，飽受舟車勞頓之苦。


莫帥或讓主將休息


另外，奧斯爾、沙比阿朗素及沙治奧拉莫斯等國腳亦有參與國際熱身賽，有統計指皇馬一眾國腳喺今次國際賽期間，總飛行距離達83,447公里，足以圍繞地球兩周，搭飛機搭到頭暈，好難期望今場可以發揮出平時水銀瀉地攻勢，教練莫連奴甚至可能會讓部分球員休息。




華倫只有七位球員參加國際賽，而且多屬熱身賽，所以影響較皇馬少得多。不過基於皇馬處於強勢，華倫亦唔敢太冒進，今仗勝負難料，但估計入波唔會多，捧細啱數。