水手少兩條杉益晒鯨魚

猪拉多纳

19/11/2011
文： 九叔

日職只剩低3 Round，爭霸三強柏雷素爾、大阪飛腳、名古屋鯨魚响今、明兩個賽日，咁啱都係客場出戰，由3場波牌面去睇，鯨魚要作客對第4位嘅橫濱水手，理論上係最惡踢嘅，但係水手兩件後防大將傷病，鯨魚小讓平半，上盤都係抵博嘅。




（now711及有線148周六下午1:00直播）




依家柏（65分）、飛腳（63分）、鯨魚（62分）咬得好緊，鯨魚表面睇稍為下風，不過佢哋除咗今日作客水手，跟住喺主場對山形同作客對天鵝，埋尾兩場波比較易打，而且佢哋得失球係正26球，比起柏、飛腳都好，只要過得水手呢關，蟬聯冠軍絕對唔奇。


鯨魚爭冠決心十足


鯨魚嘅鬥心係唔使懷疑o架嘞，對佢哋最有利嘅地方係，澳洲仔約舒亞堅尼地打完國際賽回歸，冇穿冇爛，狀態仲唔錯添，佢個前鋒拍檔玉田圭司雖然左右腳都有輕傷，但係照樣可以跟足操練，問題唔係咁大，呢對殺手能夠合拍出擊，對鯨魚好重要，事關佢兩個今季攜手入咗30球o架，約舒亞堅尼地家陣仲响射手榜同風林前鋒夏雲拿並列首位（17球）添，為人為己都要搏啦。




水手就頭痕嘞，後防大將栗原勇藏踢完太公波返嚟就染上感冒，尋日都操唔到，另一條杉中澤佑二就停賽，真係未必頂得住鯨魚條強勁鋒線，何況水手响日產球場6戰鯨魚，居然得2勝2和2負冇乜優勢，真係唔多似會阻人發達。


橫濱水手 Vs 名古屋鯨魚


菠菜公司 主勝 和 客勝

足智彩 2.88倍 3.40倍 2.08倍

Bet365 3.10倍 3.40倍 2.25倍

Interwetten 2.60倍 3.10倍 2.30倍

Ladbrokes 2.63倍 3.30倍 2.25倍

Victor Chandler 3.00倍 3.40倍 2.25倍

William Hill 2.88倍 3.20倍 2.30倍

平均賠率 2.84倍 3.21倍 2.29倍