威老虎轉場求勝

猪拉多纳

　　今日有好多場大賽進行，短途至長途均設有，明星馬多到數唔晒，喜歡入場睇跑馬嘅馬友，今日應該可以大飽眼福。而講到騎師形勢，今日柏寶及韋達多重兵，熱門地位逃不了，但挑部分嚟W過關，可能熱熱哋乘埋都搵到茶錢，當然，過熱就唔好搞啦。

　　第四場四班1400米。「精彩遊戲」初次出賽配安國倫，賠率唔熱但又唔係冷，結果跑入季軍，演出比預計好，因為喺佢身邊嘅對手均為近績唔錯之馬。今仗轉到1400米發展，雖然速速加程唔知係咪好事？！睇外形、計血統，根本唔似短途材料，如果唔增程，再跑1200米可能承受好大風險，與其係咁，點解唔行呢一步，尤其改配愛將，應該係波。

　　第六場二級賽1200米。「XX繽紛」上場輸咗係有點可惜，唔少馬迷朋友希望呢匹馬可以衝擊紀錄，點知唔夠10W就斷纜，真係令人懷念當年「精英大師」。不過，今仗「XX繽紛」再遇上賽兩勁敵，已經唔使再讓磅，孭住123磅再鬥過，頓變上風馬。

　　第九場三班1400米。「威老虎」初出谷草1200米，人馬皆交不出最佳水準，入P全是質素搭夠，熱身之後，即安排轉場及加長路程，賀賢有此部署，無非為求早交差，心意向好。其實，此駒外地跑慣例中距離，跑此程未必最啱，他日可能1600米才是正宗路程，不過，點都比短途好跑，今仗成績應會比上場有所進步。

資深評馬人　陳華棟

點買法

　　因「XX繽紛」獨贏唔夠兩倍，用嚟過關冇意思，不如買「精彩遊戲」射「威老虎」好過，起碼有啲肉食。而QT重心場次揀第九場，「威老虎」做膽，熱腳拖６　１３，冷門則要１　７。